Ministri i Zhvillimit Ekonomik, Valdrin Lluka, takoi Ambasadorin e Shteteve të Bashkuara në Kosovë, Phillip Kosnett.

Ministri Lluka e njoftoi diplomatin amerikan për fushën të cilën e mbulon institucioni që ai drejton, sidomos në fushën e energjisë, projektin e “Kosova e Re” dhe sektorin minerar.

I pari i Zhvillimit Ekonomik e falënderoi Ambasadorin për ndihmën e ofruar nga Shtetet e Bashkuara për vendin tonë.

Gjithashtu ministri Lluka tregoi se prioritet i MZHE-së,deri në vitin 2023 është mbyllja e termocentralit “Kosova A”, të rehabilitohet termocentrali “Kosova B”, dhe të fillohet prodhimi në “Kosovën e Re”, njofton Ministria e Zhvillimit Ekonomik.

Në këtë takim u Lluka potencoi se “ Fokusi i Ministrisë është Trepça dhe 11 zonat që kanë potencial për tërheqjen e investitorëve amerikanë”.